As xentes de Baio sempre tiveron un carácter emprendedor para o deporte. De feito, crearon o primeiro clube de fútbol da Costa da Morte, e mesmo fundaron a emblemática Liga da Costa en 1964. Iso non rematou aí. O 18 de decembro de 1988 constituíase oficialmente a Agrupación Deportiva Su a Agra, pensada inicialmente como canal de xestión do, naquelas datas, recentemente inaugurado pavillón polideportivo. Nembargantes, o tempo marcaría un rumbo moi diferente para esa iniciativa.
